ಆವಾ ಆವಿಯಾದ

ಅನ್ನವಿಲ್ಲ ಚಿನ್ನವಿಲ್ಲ ಇಲ್ಲ ಅವಗೆ ಉಡಲು ಅರಿವೆ
ಆಳಿಲ್ಲ ಅಳುವಿಲ್ಲ ಇಲ್ಲ ಅವಗೆ  ಜಗದ ಪರಿವೆ
ಆವ ಅರಸನಿಗೇನು ಕಡಿಮೆ

ತಿನಲು  ಚಿನ್ನದ  ತಟ್ಟೆ,  ಮೊಟ್ಟೆ ಬೇಕೇ ಅವನ ಆ  ಹೊಟ್ಟೆಗೆ
ಕೂರಲು ಕಲ್ಲಿನ ಕಟ್ಟೆ , ಚಟ್ನಿ ಸಾಕು ಎರಡು  ಒಣ ರೊಟ್ಟಿಗೆ
ತಿನಲು  ಅವಗೆ ಗೆಳೆಯರೊಟ್ಟಿಗೆ


ಉಪ್ಪ ನೀರನು ಹಳಿಯದೆ ಆವ ಮರಳ ಮೇಲ ನಡೆದ
ಪರರ ಸುಖವ ಬಯಸುತ  ಆವ ಪರಮ ಸುಖವ ಪಡೆದ
ಎಲ್ಲರೊಡನೆ ಆವ ಮಡಿದ

ಆವಾ
ಅರಸನಾದ
ಗೆಳೆಯನಾದ
ಅನುಭಾವಿಯಾದ
ಆವಾ ಆವಿಯಾದ ...ನೀರಾದ.... ಮಳೆಯಾದ ..ಮಣ್ಣಾದ