ನಾನ್ ಕಾರಣವಿರದ ಆನಂದ
ಕಣ್ಣಿಗೆ ಕಾಣದ ಕೈಗೆ ಸಿಗದ
ಮಾತಲಿ ಹೊರಡದ ಪರಿಮಳವಿರದ
ಕಿವಿಯಲಿ ಉಲಿಯದ ನಾ ..ಪಂಚೇಂದ್ರಿಯವೂ ಅಲ್ಲ
ನಾನ್ಯಾರೆಂದರೆ ನಾನಲ್ಲ
ನಾನ್ ಕಾರಣವಿರದ ಆನಂದ
ಗಾಳಿಗೆ ಹಾರದ ಬೆಂಕಿಗೆ ಉರಿಯದ
ನೀರಲ್ಲಿ ಕರಗದ ಬಾನಲಿ ತೇಲದ
ಮಣ್ಣಲಿ ಮಣ್ಣಾಗದ ನಾ .... ಪಂಚಭೂತವೂ ಅಲ್ಲ
ನಾನ್ಯಾರೆಂದರೆ ನಾನಲ್ಲ
ನಾನ್ ಕಾರಣವಿರದ ಆನಂದ
ನಾ ಅಪ್ಪನಲ್ಲ, ನನಗಮ್ಮನಿಲ್ಲ ನಾ ಹುಟ್ಟಲೇ ಇಲ್ಲ
ನಾ ನಂಟನಲ್ಲ , ಬಂಟನಲ್ಲ ನಾನಾರಿಗೂ ಅಂಟಿಲ್ಲ
ನಾ ಗುರುವಲ್ಲ ಎನಗೆ ಗುರಿಯಿಲ್ಲ .... ನಾನರಿವೂ ಅಲ್ಲ
ನಾನ್ಯಾರೆಂದರೆ ನಾನಲ್ಲ
ನಾನ್ ಕಾರಣವಿರದ ಆನಂದ
ನಾ ಕೋಪ ತಾಪವಲ್ಲಾ ಎನಗೆ ಶಾಪವಿಲ್ಲ
ನಾ ಕಾಳಲ್ಲ ನಾ ಕೂಳಲ್ಲ ಎನಗಹಸಿವಿಲ್ಲ
ನಾ ಜೀವವಲ್ಲ ನಾ ಶವವಲ್ಲ ...ನನಗೆ ಸಾವೇ ಇಲ್ಲ
ನಾನ್ಯಾರೆಂದರೆ ನಾನಲ್ಲ
ನಾನ್ ಕಾರಣವಿರದ ಆನಂದ
ಬೆರೀರದ ತುದಿಯಿಲ್ಲದ ಮರ ನಾನು
ಮೊದಲಿಲ್ಲದ ಕೊನೆಯಿಲ್ಲದ ಆಗರ ನಾನು
ಮೇಲಿಲ್ಲದ ಕೀಳಿಲ್ಲದ ಶೂನ್ಯ ನಾನು
ನಾನ್ಯಾರೆಂದರೆ ನಾನಲ್ಲ
ನಾನ್ ಕಾರಣವಿರದ ಆನಂದ